Ped hu mein.....

Ped hu mein ped hu,
Ji haan, mein ek ped hu!
Hariyaali hai mujhse chhayi,
Baarish bhi to mein hi laayi,
Foolon-fallon ki karu bauchhaar,
Isske badle sirf maangu mein pyaar!

Ped hu mein ped hu,
Ji haan, mein ek ped hu!
Chidiyon ka hai mujhpe vaas,
Taazi hawa ki tum lete saans,
Kadakti dhoop mein chhav mein deti ,
Paryavaran ko sawaar mein leti.

Ped hu mein ped hu,
Ji haan, mein ek ped hu!
Lakdi ka bhandaar bhi mein hu,
Jadi-bootiyon ki dukaan bhi mein hu,
Kaagaz bhi mujhsehi hi banta,
Mujhsehi bhuksharan hai thamata.

Ped hu mein ped hu,
Ji haan, mein ek ped hu!
Aur kya kahu mein meri gaatha,
Mujhe to sirf dena hi aataa.
Parr kab karegaa maanav mera sanmaan,
Aakhir kab ayegaa  usse ye gyaan.

Ped hu mein ped hu,
Ji haan, mein ek ped hu!
Janhit mein farmaan kiyaa hai,
Ek nivedan dilse diyaa hai,
Shrushti ka hu mein ek vardaan,
Sambhaalo insaan, bachaale mere praan!